2024-07-17 16:06
香港01 撰文:鄺鈺瑩
王子前女友鄧麗欣穩交現任「翻版Rain」稱已見家長︰了解過
![鄧麗欣。(葉志明 攝)](https://pgw.udn.com.tw/gw/photo.php?u=https://uc.udn.com.tw/photo/2024/07/17/0/30029817.jpg&x=0&y=0&sw=0&sh=0&exp=3600&w=930)
鄧麗欣早前公開認愛「翻版Rain」,今日(17/7)Stephy 同吳君如現身中環,為新戲《我談的那場戀愛》宣傳,大搞Speed Dating 。活動上,Stephy 提到「細節」係會令自己加分,問到新歡是否以「細節」如推門、準時等入手,Stephy即甜笑表示:「呢啲基本啦,我覺得相處先係緊要,大家識咗一段時間,相處過、了解過先決定開始。」
Stephy 否認鍾情台灣男生,認為個性比較重要。(葉志明 攝)
鄧麗欣跟男友識咗一段時間,相處過、了解過先決定開始。(葉志明 攝)
Stephy 又話無諗過咁快被公開,但亦坦言自己防避心已卸下,又謂唔介意讓大家知道。「我係低調。但唔係想隱瞞,因為都唔係啲咩事,但因為對方唔係圈中人,所以我都唔想影響佢,」Stephy拒絕透露戀情開始多久,但有足夠時間了解對方,而早在認識對方一刻,已說明自己藝人身份向男友「打底定」。
問到男友是否真如「翻版Rain」,Stephy笑言「高度似」,又表示對方未有因而在自己面前沾沾自喜,她更反問大家點解會知男友係台灣人?「喺香港識嘅,佢都係喺香港做嘢,朋友介紹識。」問到是否已見家長,Stephy再次甜笑,但問到是否以結婚為前提?她說:「我個人見步行步,同埋唔想咁大壓力。」
Stephy 話公開戀情後,Miki第一個八卦問咩事。(葉志明 攝)
Stephy透露男友在港工作多年,所以都識廣東話。(葉志明 攝)
上台前,二人在一片波波中自拍。(葉志明 攝)
延伸閱讀:
舊愛鄧麗欣蜜運中 方力申身邊人爆料抱不平封他為「最專一男人」
島嶼協奏曲|大表哥唔敢望前排觀眾原因勁hurt 鄧麗欣超有共鳴
文章授權轉載自《香港01》
←上一篇
江蕙復出…費玉清揭真實心聲!近況曝光了
下一篇→
噓!留言